Ye lamhe aaj ke...

Aaj meri dhadkan kuch dheemi si hai..
Aaj mere ehsaas kuch feeke se hai...
Najaane kis yaad me beeti hai aakhri raat...
Aaj mere hoth kuch sookhe se hai...

Kuch kashish is chal rahi hai mann me..
Kuch shor sa chal raha hai mann me...
Najaane kab hogi tujhse phir waisi baatein...
Kuch khawaish si chal rahi hai mann me...

Saara raasta tera intezaar kiya aaj...
Kahi kisi mod pe teri ek jhalak mil jaaye...
Pata tha mere dil ko tu nahi hai kareeb...
Par phir bhi khwaish thi aaj hum mil jaaye...

Bin tere har lamha kuch soona sa lagta hai...
Bin tere naa koi raasta apna sa lagta hai...
Log to najaane kitne hai jaane anjaane..
Bin tere magar naa koi apna sa lagta hai...

Intezaar to mujhe us lamhe ka hai ab....
Tera naam chalkega meri muskurahat pe jab...
Phir honge saath jab wo sukoon bhare pal...
Hoga tera haat mere haatho me jab...

Zindagi to kat jaayegi us pal ke intezaar me...
Waqt bewaqt shayad yaad karu jab rahu faraar main..
Tu udaas na hona main hu har pal saath tere..
Tu chahe na chaahe rukha hu isi karaar me..

Ab ke liye kehta hu alwida is kalam ki syahi ho...
Jo likhte rahegi ek nayi kahaani sunane ko..
Chalakte rahenge kuch aansu kuch muskurahate in kaagazo pe..
Jab tak chalti rahegi saanse meri...teri aayat ke intezaar me...
Jab tak chalti rahegi saanse meri...teri aayat ke intezaar me...